స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ గురువారం నాటి ఎపిసోడ్ -1100 లో.....నిజంగానే వసుధార కాలేజీ వదిలి వెళ్ళిపోయిందా.. లేక క్యాబిన్ లో కూర్చొని ఉందా అని శైలేంద్ర తన క్యాబిన్ లోకి వస్తాడు. వసుధర లేదు ఎంతైనా మాట మీద నిలబడే మనిషి కదా అని శైలేంద్ర ఎండీ చైర్ దగ్గరికి వెళ్లి ఈ సీటు చూస్తుంటే.. నా మనసు ఆగట్లేదని అనుకుంటాడు. అప్పుడే టేబుల్ పై ఒక లెటర్ కన్పిస్తుంది. అది వసుధార రాసిందా అని ఓపెన్ చూసి శైలేంద్ర చదువుతు షాక్ అవుతాడు. నిజంగానే వసుధార రాసిందా.. ఇంత పెద్ద నిజాన్ని ఇన్ని రోజులు మేనేజ్ చేస్తూ వచ్చారా అని లెటర్ ఎవరు చూడకుండా ప్యాకెట్ లో పెడతాడు.

ఆ తర్వాత మహేంద్ర, మను అనుపమలు కాలేజీ మొత్తం వసుధార కోసం వెతుకుతారు. అప్పుడే శైలేంద్ర వస్తాడు. వసుధార పంపిన వాయిస్ మెసేజ్ చూసి మహేంద్ర వింటాడు. నేను కాలేజీ వదిలిపోతున్నాను.. రిషి సర్ లేడని మీరు అనుకుంటున్నారు. అలాగే నన్ను కూడా లేదని అనుకోండి. నేను ఓడిపోయి వెళ్లట్లేదు రిషి సర్ లేనిచోట ఉండలేక వెళ్లిపోతున్నానని అందులో ఉంటుంది. అది విని మహేంద్ర బాధపడుతాడు. కాలేజీ అంతా వెతికిస్తాడు. వసుధారకి మను ఫోన్ చేస్తాడు కానీ ఫోన్ కల్వదు.. మరోవైపు రిషి లేడు.. వసుధారని కూడా లేపేస్తే ఎండీ చైర్ కి అడ్డు ఎవరుండరు.. అప్పటివరకు ఈ లెటర్ ని భద్రంగా దాచిపెట్టుకోవాలి. ప్రస్తుతం ఈ లెటర్ నా ఆయుధమని శైలేంద్ర అనుకుంటాడు. మరొకవైపు వసుధార అమ్మవారి దగ్గరికి వెళ్లి రిషి గురించి చెప్తూ ఎమోషనల్ అవుతుంది. నాకు రిషి సర్ కన్పించేలా చెయ్ అని దేవతని మొక్కుకుంటుంది. అప్పుడే ఒక రౌడీ వచ్చి వసుధారకి ముసుగు వేసి.. కిడ్నాప్ చేసి తీసుకొని వెళ్తాడు.

ఆ తర్వాత వసుధారని కిడ్నాప్ చేసిన విషయం ఆ రౌడీ.. శైలంద్ర కి ఫోన్ చేసి చెప్తాడు. శైలేంద్ర నమ్మకుండా వీడియో కాల్ చెయ్యమని అడుగుతాడు. ఆ రౌడీ వీడియో కాల్ చేసి చూపించిగా వసుధార కార్ లో ఉండడం చూసి శైలేంద్ర నమ్ముతాడు. ఎవరికి తెలియకుండా లేపేయ్ అని ఆ రౌడీకి శైలేంద్ర చెప్తాడు. దానికి రౌడీ సరే అని వేరొక చోటుకి తీసుకొని వెళ్తాడు. అప్పుడే వసుధార స్పృహలోకి వచ్చి తప్పించుకొని వెళ్లిపోతుంటే.. రౌడీలు తనని వెంబడిస్తారు. అప్పుడే ఒకతను వచ్చి రౌడీలని కొడతాడు. అది ఎవరో కాదు రిషి సర్ తనని చూసి వసుధార షాక్ అవుతుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.